Vision 2031

ബഹുമാന്യരെ,

കേരള സംസ്ഥാനം രൂപീകൃതമായിട്ട് 75 വർഷം പൂർത്തിയാകുന്ന മഹത്തായ ചരിത്ര സന്ദർഭത്തിൽ, നമ്മുടെ സംസ്ഥാനത്തിന്റെ ഭാവി വികസന ദിശയും ലക്ഷ്യങ്ങളും വ്യക്തമാക്കുന്നതിനായി ദീർഘവീക്ഷണത്തോടുകൂടി ‘വിഷൻ 2031’ എന്ന പദ്ധതി സർക്കാർ ആവിഷ്കരിച്ചിരിക്കുകയാണ്.

ഇത് ഒരു കേവലമായ പദ്ധതിരേഖയല്ല; മറിച്ച്, അടുത്ത ദശാബ്ദത്തിൽ കേരളത്തെ സമഗ്രവും സുസ്ഥിരവുമായ വികസനത്തിലേക്ക് നയിക്കുന്ന മൊത്തത്തിലുള്ള വികസനരൂപരേഖ രൂപപ്പെടുത്താനുള്ള ജനാധിപത്യപരമായ ബഹുമുഖ ശ്രമമാണ്.

സംസ്ഥാനത്തിന്റെ കഴിഞ്ഞ 10 വർഷകാലയളവിലെ വളർച്ചാപഥത്തെ വിലയിരുത്താനും, ഭാവി വികസനലക്ഷ്യങ്ങൾ കൃത്യമായി ആസൂത്രണം ചെയ്യാനും, 2031-ൽ കേരളം എങ്ങനെയായിരിക്കണം എന്നതിനെക്കുറിച്ചുള്ള ജനങ്ങളുടെ ആശയങ്ങളും നിർദേശങ്ങളും ഉൾക്കൊള്ളാനുമാണ് ഈ സംരംഭം ലക്ഷ്യമിടുന്നത്.

ഈ ദീർഘവീക്ഷണ പദ്ധതിയുടെ ഭാഗമായി, സഹകരണ വകുപ്പ് സംസ്ഥാനത്തിന്റെ വികസന കുതുപ്പില്‍ നിർണായക ചാലക ശക്തിയായി മാറാന്‍ ഒരുങ്ങുകയാണ്.   സഹകരണ പ്രസ്ഥാനത്തിന്റെ വ്യാപകമായ ശൃംഖലയും ജനകീയ അടിത്തറയും ഉപയോഗിച്ച്, ഗ്രാമീണ സാമ്പത്തിക വളർച്ചയ്ക്കും സ്വയം തൊഴിൽ അവസരങ്ങൾ സൃഷ്ടിക്കാനും, കാർഷികം, ചെറുകിട വ്യവസായം, സ്ത്രീശാക്തീകരണം, സാമൂഹ്യ സുരക്ഷ തുടങ്ങിയ മേഖലകളിൽ സഹകരണ സംരംഭങ്ങൾ കൂടുതൽ ശക്തിപ്പെടുത്താനുമാണ് വകുപ്പ് ലക്ഷ്യlമിടുന്നത്.

സമഗ്രമായ കേരളത്തിന്റെ ഭാവി നിർമാണത്തിൽ, സഹകരണ വകുപ്പിന്റെ പങ്കാളിത്തം അവിഭാജ്യഘടകമാണ്. അതിനാൽ ഈ മഹത്തായ സംരംഭത്തിന്റെ ഭാഗമായിട്ടു, നിങ്ങളുടെ വിലപ്പെട്ട നിർദേശങ്ങളും അഭിപ്രായങ്ങളും ഹൃദയപൂർവ്വം സ്വാഗതം ചെയ്യുന്നു.

നമുക്ക് ഒരുമിച്ച് ചിന്തിക്കാം, ഒരുമിച്ച് പ്രവർത്തിക്കാം, ഒരുമിച്ച് നവകേരളത്തിന്റെ ഭാവി നിർമ്മിക്കാം.

ശ്രീ.വി.എൻ.വാസവൻ,

സഹകരണം, ദേവസ്വം, തുറമുഖം വകുപ്പ് മന്ത്രി

കേരള സർക്കാർ